Pendicitrawarga's Blog
Blog Es Campur

BF-Sun: Tunda (Pantun Sunda) 8

PANTUN HUJAN

TUTURUBUN ngunjal keusik,
tisorodot neumbrag kusen.
HUJAN turun unggal usik,
matak pogot nu panganten. (Enya, pogot nawu cai da ranjang pangantenna kaeleb banjir).

SUGAN deui sugan deui,
dahar cilok keur mamayu.
HUJAN deui hujan deui,
dagang sirop hese payu. (Nu matak balantik mah kudu apal kana situasi end kondisi).

DI susukan ngadon ngurek,
tagiwur loba jelema.
USUM hujan matak resep,
bajigur mani marema. (Nya, ari hatam sikon mah jadi duit usaha teh moal jadi jurig).

DAUN upih dina eurih,
ka sawah rek ngala kangkung.
USUM ngijih nyaan peurih,
caah rongkah ngepung Bandung. (Sing salobar bae dalah dikumaha tuda tos kitu kajadianana. Ngan alusna mah ulah sok dibiasakeun miceun runtah ka solokan geura).

KA Banjaran meuli baki,
balikna terus dicukur.
HUJAN teh sumber rejeki,
ulah lali sujud sukur.  (Tuda taya cai mah moal aya kahirupan, Jang. Matakna kudu getol ibadah malah mandar rejeki teh terus ngocor bari jeung barokahna. Ulah ieu mah usum halodo kukulutus euweuh cai, usum hujan ambek-embekan kabanjiran).

-Pantun-pantun koleksi Kang Fendy Sy. Citrawarga. Cag heula nya, ieu kasur kabanjiran, kompa sanyo ngadat deuih da kakeueum. *** 

Belum Ada Tanggapan to “BF-Sun: Tunda (Pantun Sunda) 8”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: