Pendicitrawarga's Blog
Blog Es Campur

BF-Sun: Tunda (Pantun Sunda) 11

Pantun Gering

NUNGTUN munding ka Jamaras,
isuk-isuk tabuh tujuh.
UCING gering mabok buras,
tikusruk labuh ka cubluk. (Sasangkleng tuda ilaing mah euy. Batur mah mabok miras der ieu mah mabok buras –bubur heuras– alias aduk).

DINA tampir salak pondoh,
ngasaan ukur sabeulah.
GERING pikir ku kabogoh,
kitu kieu sarwa salah. (Sarua Akang ge, apan ngahuap sangu sasab lain kana sungut tapi kana punduk).

KACAPIRING kembang tanjung,
camperenik di buruan.
GERING nangtung ngalanglayung,
ditampik sapajodogan. (Siga Akang Jang kaedanan ku urang Cibolerang. Ngan Akang mah lain gering nangtung, tapi gering lumpat).

NINI-nini nyekel halu,
ragrag ninggang kana piring.
NYERI huntu najan linu,
nu kitu mah lain gering. (Wayahna raraoskeun ku nyalira, ulah ngarep-ngarep aya nu ngalayad, angot nu nglayadna presiden mah).

MOE sikat dina cangkring,
tiguling nepi ka rengat.
KEUR sehat poho ka gering,
geus gering sono ka sehat. (Awak sehat tur walagri teh mangrupa nimat hirup nu utama. Nu matak, meungpeung sehat, meungpeung jauh tina kasakit, tong talangke ibadah ka Allah SWT, ulah diengke-engke bisi kaburu jadi bangke). (Pantun-pantun Sunda alias sisindirian koleksi Kang Fendy Sy. Citrawarga).***

Belum Ada Tanggapan to “BF-Sun: Tunda (Pantun Sunda) 11”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: