Pendicitrawarga's Blog
Blog Es Campur

BF-Sun: Tunda (Pantun Sunda) 12

PANTUN HUTANG

KA Bandung ka Cibolerang,
tumpak kahar pasosore.
HIRUP bingung loba hutang,
hayang beunghar geuning hese.

(Nya hese ari damel ukur nyangkere mah)

KA Sumedang tumpak onta,
Di Cikuda bet tijungkel.
BOGA hutang lima juta,
kudu mayar dua tiklel.

(Rentenir tea atuh lentah. Kade ah ulah haripeut ku injeumeun)

NGALA hurang meunang kuya,
diuseupna clom giriwil.
BOGA hutang ka mitoha,
mayarna teu meunang nyicil.

(Beu, mani tega tah Si Abah. Murukankeun teu cape ngurus anakna?)

NGARARA hese tungtungna,
dijual payu salawe.
NAGARA gede hutangna,
rayatna sangsara wae.

(Rido gede hutang bari kudu sangsara ge asal keur ngamodal bajoang ngaraharjakeun anak incu ka hareup. Mun dikorupsi, sing sumpah teu rido. Kitu lin, Jang?)

MEULAH kaso make parang,
batan bencar kalah nyeri.
ULAH poho mayar hutang,
ngarah janglar manjing pati.

(Mending ge tong boga hutang ngarah bangblas mulang ka alam kalanggengan. Pan dawuhan Rasulullah ge hutang teh nyangcang hiji jalma  asup ka sawarga. Hartosna, najan leket ibadah, ari hutang teu dibayar mah taya hartina).

(Pantun-pantun Sunda  peperenian Kang  Fendy Sy. Citrawarga)***

Belum Ada Tanggapan to “BF-Sun: Tunda (Pantun Sunda) 12”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: