Pendicitrawarga's Blog
Blog Es Campur

PANTUN 200 TAUN BANDUNG

BF-Sun: Tunda (Pantun Sunda) 14

SURAWUNG loba di Lembang,
kuring mah butuh saledri.
BANDUNG nelah Kota Kembang,
eta mah jaman bihari. (Kiwari mah nelah Kota Sareukseuk, euy!)

KA saung eurih ditanggung,
hanjakal kalah nogencang.
BANDUNG enya heurin tangtung,
cileuncang geus tara nguyang. (Cur hujan teh teu weleh caah di mamana tuda)

NGALANTUNG ka sisi gunung,
mapay-mapay jalan sawah.
JALAN Bandung tara suwung,
mun leumpang hese ngalengkah. (Pan di Bandung mah teu weleh usum bancet, eh macet da nu ngaringu patalimarga mani paloba-loba)

NANGGUNG sereh ka Cipari,
kamari tas ngala ganyol.
BANDUNG teh lautan api,
kawari mah lautan mol. (PKL diudag-udag, ari  mol  dugdeg di mana mendi. Nu matak meh teu diudag-udag Satpol PP mah sok para PKL nyieun mol)

IWUNG dibungkus ku daun,
ari kangkung na ayakan.
BANDUNG dua ratus taun,
kudu langkung kinayungan. (Dua ratus taun mah tos langkung ti sepuh nya?)

TI Cikancung ka Cipadung,
meuli uyah erek ngangeun.
Yu, padungdung ngurus Bandung,
ku urang ulah ku deungeun. (Ku saha deui atuh Bandung dikotoran, eh dirumat jeung dipulasara teh ari sanes ku urang Bandungna mah. Leres teu Pa Wali Kota?)
(Pantun-pantun Sunda koleksi Kang Fendy Sy. Citrawarga dihaturkeun kanggo milangkala nu ka-200 Kota Bandung, ping 25 September 2010)

Belum Ada Tanggapan to “PANTUN 200 TAUN BANDUNG”

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s

%d blogger menyukai ini: